Data Integrity Testing

يعني إيه Data Integrity Testing في الـ API؟🔍 يعني إيه Data Integrity Testing في الـ API؟د

لما تبعت بيانات من خلال API، مش كفاية إن الـ Response يرجعلك 200 OK وتقول “تمام كده”!
لازم تتأكد إن البيانات:

✅ متغيرتش أو اتشوّهت أثناء عملية الحفظ.

✅ اتسجلت صح في قاعدة البيانات (Database).

✅ اتخزنت كاملة وبنفس الشكل اللي بعتها بيه.

📌 مثال عملي للتوضيح:

افترض إن عندك API خاصة بإضافة طلب (Order):

• بعت Order بقيمة 500 جنيه، ومعاه بيانات العميل.
• الـ API رجّعلك 201 Created وقالك “تم الحفظ بنجاح”.
• لكن لما تدخل على قاعدة البيانات، تلاقي إن قيمة الطلب اتسجلت 400 أو في حقول ناقصة!

⛔ كده في مشكلة Integrity… يعني البيانات ما اتخزنتش صح!

إزاي نعمل Data Integrity Testing بشكل عملي:

1. تبعت البيانات من خلال الـ API.
2. تستقبل الـ Response وتتأكد من الكود والرسالة.
3. تتأكد بنفسك إن البيانات اتخزنت صح في الـ Database:
   • 🔸 إما مباشرة لو عندك صلاحية الدخول على قاعدة البيانات.
   • 🔸 أو من خلال API تانية (مثلاً: GET endpoint) بتعرض نفس البيانات من قاعدة البيانات.
4. تطابق البيانات اللي خزنتها مع البيانات اللي بعتها:
   • ✅ القيمة
   • ✅ النوع
   • ✅ التنسيق
   • ✅ أي شروط تانية

---

🐞 ليه ده مهم؟ عشان تتجنب Bugs زي:

• مشاكل في Encoding.
• تخزين قيم غلط في أماكن مش مناسبة.
• Missing fields أو Data corruption.

---

📌 خلاصة مهمة جدًا:

لو البيانات ما اتخزنتش صح في الـ Database،
يبقى الـ API Testing بتاعك مافيش منه فايدة!

ليه؟ لأن الداتا دي ممكن تتعرض أو تُستخدم في أكتر من مكان،
ولو هي أصلًا محفوظة غلط، هتفضل تستخدم الغلط ده في كل مكان.

---

✨ تفتكر تعمل Data Integrity Testing في كل مرة؟

الإجابة: أكيد أيوه!
لأن ده الضمان الوحيد إن الـ API بتاعتك بتشتغل بشكل صحيح من أول نقطة لآخر نقطة.