وانت بتعمل تيست لتطبيق موبايل كام طريقه المفروض تعملها علشان تعمل تيست للنت Network checker يعني?

📌 في Mobile App Testing، لما نيجي نختبر سلوك التطبيق مع الاتصال بالإنترنت، فيه 3 حالات رئيسية لازم نركز عليهم كويس:
📍1. أثناء استخدام التطبيق، والإنترنت بطئ أو مفصول

• مثال: التطبيق بيطلب داتا من الباك، أو بيبعت request، وفجأة النت قطع أو بطئ جدًا

• المفروض يظهر Error Message واضحة للمستخدم، أو يحصل Retry مناسب

📍2. لما المستخدم يفتح التطبيق وهو Offline

• هنا لازم نختبر:

  • هل التطبيق بيفتح عادي ولا بيكراش؟

  • هل بيظهر للمستخدم رسالة “لا يوجد اتصال بالإنترنت”؟

  • هل فيه جزء من البيانات المفروض تتحمل لو متخزنة Offline؟

📍3. أثناء التنقل بين الصفحات (Navigation) والنت ضعيف أو مفصول

• المفروض:

  • أي Data بتتحمّل من السيرفر تظهر بشكل مناسب أو يتم التعامل مع فشل التحميل

  • يظهر Skeleton / Placeholder أو رسالة مناسبة

  • مفيش Crash ولا Freeze في التطبيق

📍4. بعد ما النت يرجع (Reconnect)

• التطبيق يتعامل مع الرجوع تلقائي؟ ولا لازم إعادة فتح؟

• هل الريكويستات بتتعاد تلقائيًا؟

• هل الصفحة بتتحدث تلقائيًا ولا تفضل Stuck؟