📌 1- نبدأ باختبار الـ Dashboard
لأنه هو المصدر الأساسي للبيانات، والمكان اللي بيتم من خلاله:
-
إضافة المحتوى (زي FAQs، كورسات، أسئلة… إلخ)
-
تعديل البيانات
-
إرسال إشعارات أو إدارة المستخدمين
يعني هو المكان اللي كل من الـ Website والـ App بيتغذوا منه.
📌 2- بعد كده نختبر الـ Integration
نتأكد إن الربط بين Dashboard و Website و App شغال صح:
-
البيانات اللي بندخلها على الـ Dashboard بتظهر في الـ Website والـ App؟
-
أي تحديث بيتعمل بينعكس فورًا أو خلال وقت محدد؟
-
الإشعارات بتتبعت؟
-
هل الـ APIs بترجع response صح في حالات success/failure؟
-
تجربة الـ user مش بتتأثر بتأخير أو خطأ في الربط؟
📌 3- بعد كده نشتغل على الواجهة الأمامية (Website و App):
-
نحدد نبدأ بمين حسب أولوية المشروع (أيهما سيُطلق أولًا أو الأهم للعميل)
-
لو الـ Website هو الأولوية → نبدأ بيه، ونتأكد من:
-
عرض البيانات صح
-
تجربة المستخدم
-
الـ responsiveness
-
-
ثم ننتقل للـ App أو العكس
-
ولو كله مهم وفي وقت متاح → ممكن نشتغل عليهم بالتوازي كفرق مختلفة
🔄 ونفضل نرجع دايمًا للـ Dashboard في حالة:
-
وجود بيانات انعكاسية (reflected back)
-
أو سيناريوهات زي:
-
User بيسجل من الـ App → يظهر في الـ Dashboard
-
User بيعمل عملية في الـ Site → تتسجل كـ log أو action في الـ CRM
-
📌 نفترض إن عندنا تطبيق لحجز تذاكر الطيران، والتطبيق دا بيربط بين أكتر من مكتب تذاكر.
-
اليوزر بيستخدم الـ App أو الـ Website علشان يشوف:
-
مواعيد الرحلات
-
أسعار التذاكر
-
وكل مكتب بيقدم عروضه وخدماته
-
📌 طيب الداتا دي بتيجي منين؟
-
فيه Dashboard (أو أي اسم مشابه: CMS / Admin Panel / Backoffice)
-
هي الأداة اللي بيستخدمها مسؤول النظام (Admin أو Agent)
-
من خلالها بيضيف المحتوى اللي هيظهر للمستخدمين على التطبيق
📌 الـ Dashboard دي بتبقى عبارة عن:
-
Modules / أقسام، وكل قسم خاص بوظيفة معينة:
-
إضافة مواعيد الرحلات ✈️
-
تحديث أسعار التذاكر 💰
-
إظهار / إخفاء مكاتب معينة 🏢
-
التحكم في توفر التذاكر أو عدد المقاعد
-
📌 واللي بيحصل فعليًا:
-
كل مكتب تذاكر بيوفر البيانات الخاصة بيه (الرحلات، الأسعار، عدد المقاعد، العروض)
-
مسؤول النظام بياخد البيانات دي ويدخلها يدويًا أو أوتوماتيكيًا في الـ Dashboard
-
ومن هناك، البيانات بتظهر لليوزر على التطبيق أو الموقع
✅ يعني الـ Dashboard هي النقطة المركزية اللي بيتحكم منها في المحتوى الظاهر للمستخدمين.
🎯 ملحوظة مهمة:
كـ Tester، لازم أتأكد إن أي تعديل بيتعمل من الـ Dashboard فعلاً بينعكس بشكل مباشر أو بعد Refresh أو وقت محدد في الـ App والـ Website
زي:
لو مكتب تم إخفاؤه → مايبقاش ظاهر في الـ App
لو سعر تغير → يتحدث في كل الواجهات
لو تم إضافة رحلة جديدة → تظهر مع كل التفاصيل