خلينا نتفق الاول علي كام نقطه علشان نركز سوا
📍ال Positive: معناها اني اكتشفت bug أثناء الاختبار (في bug) /التست طلع إن في حاجة غلط أو غير متوقعة حصلت.
📍ال Negative: معناها اني خلصت اختبار ومفيش bug (مفيش bug) / التست طلع إن كل شيء سليم حسب المتوقع.
📍ال True: معناها كلامك صحيح.
📍ال False: معناها كلامك غلط.
✅ True positive:
التست بيقول إن في مشكلة، وفعلاً في مشكلة حقيقية.
✳️ مثال: زرار الـ Login مش شغال، ولما الـ Dev شافه طلع فعلًا بايز.
يعني انا اكتشفتت bug أثناء الاختبار ، والكلام دا صحيح وفعلا هي bug.
✅ True Negative:
التست بيقول مفيش مشكلة، ولما اتحققنا لقينا فعلًا مفيش مشكلة واضحة أو bug ظاهر حاليًا.
✳️ مثال: نفذت سيناريو معروف، ومافيش سلوك unexpected حصل، والتيم كله جربه وتمام.
يعني انا خلصت Test وقولت مفيش عندي bug , والكلام دا صحيح وكلنا جربنا ال software ومطلعناش bug.
(مش هنقول مفيش bug علشان
Testing doesn’t show the absence of defect 😉)
❌False Positive:
التست بيقول إن في bug، لكن الحقيقة مفيش.
✳️ مثال: تجربة login بطيئة جدًا، فافتكرت إن فيه مشكلة، لكن طلع النت هو السبب.
انا إكتشفت bug, ولكن للأسف الكلام دا مش صح ولما اتأكدنا مطلعتش bug.
❌False Negative:
التست بيقول إن مفيش مشكلة، لكن في الحقيقة كان فيه bug ما اكتشفتهوش.
✳️ مثال: بتراجع صفحة فيها منتجات، وشايفة إنها تمام، بس في الآخر منتج غريب مش في التصنيف (شيبسي وسط المخبوزات).
انا خلصت اختبار وبقول ان مفيش عندي bugs, ولكن للأسف الشديد الكلام دا غلط والناس طلعت من ورايا bug🙂
ودا اوقات يعتمد علي الخبره وكثرة التدريب والشغل والتفكير في scenarios مختلفه.