❓إيه هي الـ Ports؟
✅ البورتات (Ports) هي أرقام بتحدد المسارات اللي البيانات بتتنقل من خلالها بين الأجهزة في الشبكة (زي الإنترنت).
البورتات (Ports) هي نقاط دخول وخروج للبيانات داخل جهاز الكمبيوتر أو السيرفر، من خلال الشبكة (الإنترنت أو الشبكة المحلية).
تقدر تعتبرإن كل بورت زي باب بيتفتح على برنامج معين أو خدمة معينة داخل الجهاز.
📌 مثال واقعي للتقريب:
تخيل إن جهاز الكمبيوتر هو عمارة، وكل برنامج شغال على الجهاز هو شقة، فكل شقة ليها باب (Port)، والـ Internet بيبعت البيانات على باب معين حسب نوع الخدمة.
🔐 طيب ليه Port 443 مهم؟
-
لما تتصلي بموقع بيستخدم HTTPS، البراوزر بيبعت البيانات مشفرة باستخدام شهادة أمان (SSL أو TLS)، عشان يمنع أي حد من اعتراض البيانات.
-
ده بيشتغل تلقائيًا من خلال Port 443.
📌 مثال عملي:
-
بتكتبي في المتصفح:
https://www.example.com
المتصفح يفتح اتصال على Port 443 تلقائيًا. -
لو كتبتي:
http://www.example.com
سيفتح Port 80، بدون تشفير.
🧠 معلومة إضافية:
الـ Port مش بيظهر للمستخدم، لكن مهم جدًا في البنية التحتية لأي نظام أو سيرفر، وخصوصًا في مجال الـ Security Testing و API Testing.
🚀 الخلاصة:
-
Port 80 مخصص للاتصال العادي بدون تشفير (HTTP).
-
Port 443 مخصص للاتصال الآمن والمشفر (HTTPS)، وده اللي بنستخدمه لحماية البيانات، خاصة في المواقع الحساسة زي البنوك والمتاجر.
