الـ WebSocket بيختلف عن أي نوع تاني من الـ APIs لأنه بيوفر اتصال لحظي وفي الاتجاهيين بين الـ client والـ server.
الاتصال ده بيخلي التبادل بينهم مستمر من غير ما تحتاج تبعت request كل مرة،
وده السبب إن تطبيقات زي الـ chat، الـ tracking، أو البورصة بتشتغل بشكل فوري وبدون refresh.
💡طيب لايه ال WebSocket Testing مهم؟
لأن أي مشكلة بسيطة في الـ connection ممكن تسبب تأخير في الرسائل، أو فقد بيانات، أو حتى انقطاع مؤقت في التفاعل اللحظي.
وده معناه إن المستخدم ممكن يشوف معلومات قديمة أو تحديثات غلط.
🧪 تعال نجرب نعمل Manual Testing بخطوات واقعية باستخدام Postman
من إصدار Postman Version 10 أو أحدث، بقى فيه دعم كامل لـ WebSocket Requests.
يعني تقدر تختبر الاتصال بنفسك خطوة بخطوة 👇
1️⃣ افتح Postman واضغط على السهم الصغير جنب “New Request” واختار WebSocket Request.
2️⃣ في خانة الـ URL اكتب رابط WebSocket الحقيقي، مثلاً الـ API الخاص بـ Binance لعرض أسعار العملات اللحظية:
wss://stream.binance.com:9443/ws/btcusdt@trade
3️⃣ اضغط Connect علشان تعمل اتصال مباشر بالسيرفر.
هتلاحظ إن الحالة اتغيرت إلى ✅ Connected to WebSocket Server.
4️⃣ بعد ثواني هتبدأ تشوف بيانات حقيقية بتظهر لحظيًا بالشكل ده:
{
“e”: “trade”,
“E”: 1733941234567,
“s”: “BTCUSDT”,
“p”: “64250.23”,
“q”: “0.001”,
“T”: 1733941234570,
“m”: true
}
البيانات دي بتوضح إن في صفقة جديدة تمت على زوج BTC/USDT بسعر لحظي،
وده معناه إن الاتصال شغال بشكل مباشر بدون تأخير.
5️⃣ لو حبيت تشترك في قناة معينة أو توقف بث البيانات،
تقدر تبعت رسالة من تبويب “Messages” وتضغط Send:
{
“method”: “SUBSCRIBE”,
“params”: [“btcusdt@trade”],
“id”: 1
}
6️⃣ تابع الرسائل في الـ timeline ولاحظ هل التحديث بيظهر فورًا ولا بيحصل تأخير ، وكمان جرب تفصل الاتصال وشوف هل السيرفر بيعيد الاتصال تلقائي ولا لأ.
⚙️طيب دلوقتى إيه اللى تستفاده من التست ده؟
هتعرف مدى استقرار الـ connection، وسرعة الاستجابة، وهل التطبيق بيتعامل كويس مع حالات الـ disconnect والـ reconnect.
النوع ده من التست بيوضحلك مشاكل الأداء (Performance)
ومشاكل الثبات (Stability) قبل ما توصل للـ Production.
📌 ال WebSocket API Testing مش رفاهية،
ده جزء أساسي لأي نظام بيعتمد على التواصل اللحظي أو نقل البيانات المستمر بالاخص لو التطبيق عندك فيه Live Updates أو Chat أو Notifications أو Market Data،
و هتلاحظ فرق ضخم في جودة ال system قبل ما توصل المشاكل للمستخدم النهائي.
يجب أنت تكون مسجل الدخول لتضيف تعليقاً.